Z Rasijaj admoviŭsia hulać u futboł Kamierun, nibyta z-za zabarony ŭrada
Zbornaja Kamieruna pa futbole płanavała zhulać u Maskvie 15 červienia tavaryski matč suprać nacyjanalnaj kamandy Rasii, ale ciapier ad hetych płanaŭ admoviłasia.
23.05.2023 / 15:54
Rasijskija ŚMI paviedamlajuć na padstavie infarmacyi svaich krynic, što hulać z rasijanami zabaraniŭ svaim futbalistam urad Kamieruna.
Zbornaja Rasii pa futbole ciapier znachodzicca pad sankcyjami z boku FIFA i UEFA, z-za jakich nie moža prymać udzieł u aficyjnych turnirach.
Kamierun viadomy jak kraina, dzie pry ŭładzie adzin z najbolš doŭhaterminovych aŭtarytarnych kiraŭnikoŭ sučasnaha śvietu — 90-hadovy Pol Bija. Jon staŭ prezidentam Kamieruna jašče 6 listapada 1982 hoda, u SSSR tady jašče kiravaŭ, choć i dažyvaŭ samyja apošnija dni, Leanid Brežnieŭ. A z 1975 hoda Pol Bija byŭ premjer-ministram, druhoj asobaj u dziaržavie.
Na siońniašni dzień Pol Bija najstarejšy pavodle ŭzrostu siarod absalutna ŭsich dziejnych kiraŭnikoŭ dziaržaŭ śvietu, a pa praciahłaści zaniaćcia hałoŭnaj pasady ŭ krainie siarod tych, chto nie źjaŭlajecca spadčynnym kanstytucyjnym manarcham, jaho apiaredžvaje tolki Teadora Abijanh Nhiema Mhasoha z Ekvataryjalnaj Hviniei, jaki nieabmiežavana pravić svajoj maleńkaj krainaj z 1979-ha.
Čytajcie taksama:
Kryšcijanu Ranałdu moža daterminova pakinuć Saudaŭskuju Araviju i viarnucca ŭ Jeŭropu
Amal jak u Biełarusi. Z hetaha słavutaha futbolnaha kłuba źniali 10 bałaŭ
Biełarus pryvioŭ «Arys» da załatych miedaloŭ čempijanatu Kipra