Huceryjeŭ prylataŭ u Minsk na tajemnuju sustreču z Łukašenkam, a Dźmitryj Łukašenka adpačyvaje ŭ Zimbabve — «MotolkoPomohi»
Telehram-kanał @motolkohelp śćviardžaje, što rasijski aliharch Michaił Huceryjeŭ 20 maja sustrakaŭsia z Alaksandram Łukašenkam u svajoj rezidencyi ŭ Šaršunach pad Minskam.
21.05.2023 / 08:46
Pavodle kanała, 20 maja ŭ rajonie 13:30 u Minsk prylacieŭ Michaił Huceryjeŭ. Paźniej, u rajonie 16:30 kartež Łukašenki byŭ zaŭvažany ŭ kirunku rezidencyi Huceryjeva ŭ Šaršunach.
Tam, miarkuje vydańnie, Łukašenka pravodziŭ niepubličnuju sustreču z Huceryjevym, jakaja doŭžyłasia blizu 5 hadzin, bo paśla 22-ch hadzin kartež Łukašenki ŭžo byŭ zaŭvažany ŭ kirunku na Astrašycki Haradok.
Pakul Łukašenka sustrakajecca z rasijskim aliharcham, jaho siaredni syn Dźmitryj adpačyvaje ŭ Zimbabve, a dakładniej, dzieści kala lubimaha miesca hetaj siamji — la vadaspadu Viktoryja. Tudy Dźmitryj Łukašenka prylacieŭ uviečary 18 maja, razam sa «zbrojevym baronam», hramadzianinam ZŠA Alaksandram Zinhmanam, śćviardžaje kanał.
Čytajcie taksama:
AAN i Brazilija praz Partuhaliju łabirujuć vyvad Huceryjeva i Hałavataha z-pad sankcyj
Čamu moh padvisnuć pakiet sankcyj suprać Biełarusi?