Rasija stała čaściej abstrelvać try vobłaści Ukrainy
Rasijskija vajskoŭcy za apošni miesiac pavialičyli kolkaść abstrełaŭ Sumskaj, Čarnihaŭskaj i Charkaŭskaj abłaściej. Pra heta raspaviała namieśnica ministra abarony Ukrainy Hanna Malar u telehram-kanale.
17.05.2023 / 15:08
Fota: Łuhanskaja vajennaja administracyja / «Ukrainskaja praŭda»
«Za apošni miesiac vorah pavialičyŭ abstreły pryhraničnych abłaściej — Charkaŭskaj, Čarnihaŭskaj i Sumskaj. Za apošni tydzień z 8 pa 16 maja rasijskija vojski ździejśnili 162 abstreły nazvanych abłaściej. Bolš za ŭsio padvierhłasia abstrełam Sumskaja vobłaść — 110, Čarnihaŭskaja — 29, Charkaŭskaja — 23», — napisała jana.
Pavodle słoŭ Malar, akramia abstrełaŭ mirnaha nasielnictva, vorah artyleryjskimi i avijacyjnymi ŭdarami sprabuje pastajanna trymać u napružańni ŭkrainskija vojski ŭ pryhraničnych abłaściach, kab nie dapuścić ich udziełu ŭ vajnie na inšych napramkach.
Čytajcie taksama:
Straty Rasii ŭ vajnie suprać Ukrainy pieravalili za 200 tysiač zabitymi — Hienštab USU