U Minsku stali budavać płatnyja viełaparkoŭki. Jak jany vyhladajuć?
Adna z takich zakrytych viełaparkovak zroblena na dvarovaj terytoryi na vulicy Kamiennahorskaj, 62.
17.05.2023 / 09:38
U Minsku stali budavać płatnyja viełaparkoŭki. Fota: «Minsk-Naviny»
Tut mohuć źmiaścicca pad achovaj 40 rovaraŭ albo srodkaŭ piersanalnaj mabilnaści. Pasłuha zachoŭvańnia adnoj adzinki na praciahu miesiaca abychodzicca karystalniku ŭ 12 rubloŭ, pišuć «Minsk-Naviny».
Zajmajecca budaŭnictvam pradpryjemstva «Haražy, aŭtastajanki, parkoŭki». Zaznačajecca, što zachavanaść majomaści zabiaśpiečana. Zvonku i ŭnutry ŭstanoŭlena videanazirańnie. Da taho ž technika zastrachavanaja dziaržaŭnym abjadnańniem na vypadak jakich-niebudź niepradbačanych situacyj.
Paśla zaklučeńnia dahavora stavicca mabilny dadatak na telefon, z dapamohaj jakoha ŭ budučyni možna samastojna, biez naviedvańnia ofisa, apłačvać pasłuhu zachoŭvańnia.
Ciapier abstalavana 54 viełaparkoŭki, dzie moža zachoŭvacca 1 643 rovary. Na siońniašni dzień zaniata 1 082 miescy.
Čytajcie taksama:
Parkoŭki kala sadkoŭ i balnic u Minsku stanuć biaspłatnymi. Na peŭny pramiežak času
«Vietraź», «karabliki» i navat Zybickaja. Jakija ofisy pradajucca ŭ Minsku