У Мінску сталі будаваць платныя велапаркоўкі. Як яны выглядаюць?
Адна з такіх закрытых велапарковак зроблена на дваровай тэрыторыі на вуліцы Каменнагорскай, 62.
17.05.2023 / 09:38
У Мінску сталі будаваць платныя велапаркоўкі. Фота: «Мінск-Навіны»
Тут могуць змясціцца пад аховай 40 ровараў альбо сродкаў персанальнай мабільнасці. Паслуга захоўвання адной адзінкі на працягу месяца абыходзіцца карыстальніку ў 12 рублёў, пішуць «Мінск-Навіны».
Займаецца будаўніцтвам прадпрыемства «Гаражы, аўтастаянкі, паркоўкі». Зазначаецца, што захаванасць маёмасці забяспечана. Звонку і ўнутры ўстаноўлена відэаназіранне. Да таго ж тэхніка застрахаваная дзяржаўным аб'яднаннем на выпадак якіх-небудзь непрадбачаных сітуацый.
Пасля заключэння дагавора ставіцца мабільны дадатак на тэлефон, з дапамогай якога ў будучыні можна самастойна, без наведвання офіса, аплачваць паслугу захоўвання.
Цяпер абсталявана 54 велапаркоўкі, дзе можа захоўвацца 1 643 ровары. На сённяшні дзень занята 1 082 месцы.
Чытайце таксама:
Паркоўкі каля садкоў і бальніц у Мінску стануць бясплатнымі. На пэўны прамежак часу
«Ветразь», «караблікі» і нават Зыбіцкая. Якія офісы прадаюцца ў Мінску