U Dźmitryja Łukašenki vyjaviłasia niezvyčajnaja pasada
Siaredni syn Łukašenki staŭ hanarovym konsułam Efiopii ŭ Biełarusi.
17.05.2023 / 09:10
Alaksandr Zinhman, Dźmitryj Łukašenka i Demiekie Miekanien. Fota: pres-słužba MZS Efiopii
Kiraŭnik MZS i vice-premjer Efiopii Demiekie Miekanien 16 maja sustreŭsia ŭ Adys-Abiebie ź biełaruskaj delehacyjaj. Akazałasia, u jaje ŭvachodziać siaredni syn biełaruskaha kiraŭnika Dźmitryj Łukašenka i skandalna viadomy biznesoviec Alaksandr Zinhman. U paviedamleńni MZS Efiopii Dźmitryj Łukašenka nazvany hanarovym konsułam Efiopii ŭ Biełarusi, paviedamiŭ reform.by.
«Vy naš ambasadar u Biełarusi», — ciopła pryvitaŭ efiopski čynoŭnik Dźmitryja Łukašenku.
Miekanien ličyć, što nastaŭ čas, kab Efiopija i Biełaruś imknulisia da ŭmacavańnia dvuchbakovych suviaziaŭ, u tym liku ŭ śfierach inviestycyj, turyzmu, miechanizacyi sielskaj haspadarki i zdabyčy karysnych vykapniaŭ.
«My zrobim usio mahčymaje dla ŭmacavańnia efiopska-biełaruskich stasunkaŭ», — skazaŭ kiraŭnik MZS Efiopii, źviartajučysia da siaredniaha syna Łukašenki.
Dźmitryj Łukašenka padziakavaŭ efiopskamu boku za haścinny pryjom i paabiacaŭ i dalej umacoŭvać histaryčnyja adnosiny pamiž dźviuma krainami. Jon taksama vysoka acaniŭ apošnija padziei i pazityŭnyja źmieny ŭ Adys-Abiebie.