Prezident PAR zajaviŭ, što Zialenski i Pucin pahadzilisia na mirnuju misiju z Afryki
Kijeŭ i Maskva hetuju zajavu pakul nie kamientavali.
16.05.2023 / 15:09
Sirył Ramafosa. Fota: AP
Ułady Paŭdniova-Afrykanskaj Respubliki, vakoł jakich na minułym tydni razhareŭsia skandał z abvinavačvańniami ŭ pastaŭkach bojeprypasaŭ Rasii, zajavili, što prezidenty Rasii i Ukrainy Uładzimir Pucin i Uładzimir Zialenski pahadzilisia pryniać misiju z afrykanskich lidaraŭ dla abmierkavańnia patencyjnaha mirnaha płana, paviedamlaje Bi-bi-si sa spasyłkaj na Reuters.
Jak śćviardžaje prezident PAR Sirył Ramafosa, pra inicyjatyvu prainfarmavany hienieralny sakratar AAN, ZŠA i Vialikabrytanija. Vašynhton i Łondan vykazali aściarožnuju padtrymku płana.
Nivodnaja sa zhadanych Ramafosaj krain hetyja zajavy pakul nie kamientavała.
Pavodle słoŭ prezidenta PAR, u misiju afrykanskich lidaraŭ uvojduć kiraŭniki Jehipta, Sieniehała i Uhandy.
Pieramovy pamiž Rasijaj i Ukrainaj apošni raz išli ŭ sakaviku 2022 hoda.