Ešałon z rasijskaj vajskovaj technikaj adpravili ź Biełarusi ŭ Rasiju
14 maja ešałon z rasijskaj vajskovaj technikaj adpraviŭsia ź Biełarusi ŭ kirunku Łuhanskaj vobłaści, paviedamiła manitorynhavaja hrupa «Biełaruski Hajun».
15.05.2023 / 22:19
Ešałon, pavodle «Biełaruskaha Hajuna», pačali farmavać ranicaj 13 maja na stancyi Pałonka ŭ Baranavickim rajonie. Jon adpraviŭsia sa stancyi ŭ 18:15 14 maja.
U ešałonie było kala 40 adzinak techniki, uklučajučy tanki. U sastavie taksama było čatyry pasažyrskija vahony, u jakich mahło pieravozicca kala 200 čałaviek, i adzin hruzavy vahon.
Ešałon nibyta nakiroŭvajecca na stancyju Hukaŭ u rasijskaj Rastoŭskaj vobłaści, jakaja znachodzicca za 4,2 km ad miažy z Ukrainaj.
Čytajcie taksama:
Žycharu Oršy dali dva hady kałonii za zdymki rasijskaj vajskovaj techniki na vakzale