На мінскім рынку з'явіліся першыя столінскія агуркі. Пачым прадаюць?
На мінскім Заходнім рынку ўжо прадаюць пінскія і столінскія агуркі.
14.05.2023 / 16:01
Фота: Tochka.by
Цэны з Заходняга рынку прыводзіць Tochka.by.
Кошт фермерскіх агуркоў там пакуль вышэйшы, чым магазінных.
На рынку агуркі з Пінска і Століна прадаюць па 6—7 рублёў за кіло.
На пытанне, калі чакаць зніжэння цаны, адзін з прадаўцоў, ён жа фермер, адказвае так:
«Тут не адгадаеш. Бачыце, май халаднаваты, а значыць і рост агуркоў павольны. Часам цэннік падае ўжо ў чэрвені, а часам толькі ў ліпені. Але ў любым выпадку цана агуркоў будзе падаць, а на колькі — раз на раз не прыходзіцца».
Разам з тым на Камароўцы можна знайсці агуркі за 2,5 рубля, якія пазначаны як беларускія, піша «Анлайнер». Але і від у іх іншы. У сярэднім кіло агуркоў там каштуе 4,5 рубля.
Агуркі на Камароўцы. Фота: «Анлайнер»