«Z metaj pavyšeńnia ŭstojlivaści abarony». Minabarony Rasii pryznała adstupleńnie na poŭnač ad Bachmuta
Učora ŭviečary Maskva paviedamleńni vajenkaraŭ pra adstupleńnie abviarhała.
12.05.2023 / 13:36
«Na małailjinaŭskim kirunku z metaj pavyšeńnia ŭstojlivaści abarony padraździaleńniami «Paŭdniovaj» hrupoŭki rasijskich vojskaŭ «zaniaty rubiež z ulikam vyhadnych umoŭ Bierchaŭskaha vadaschovišča», — havorycca ŭ paviedamleńni Ministerstva abarony Rasii.
Učora ŭviečary Maskva paviedamleńni vajenkaraŭ pra adstupleńnie abviarhała.
Z paviedamleńniaŭ rasijskich vajenkaraŭ vynikaje, što ŭkrainskija vojski ŭčora nanieśli paśpiachovyja ŭdary na poŭnač i paŭdniovy zachad ad Bachmuta, a taksama ŭ kirunku Saladara.
Na troch kirunkach pad Bachmutam USU zaniali rasijskija pazicyi, rasijanie adstupili, što stvaraje pahrozu atačeńnia hałoŭnych sił vahnieraŭcaŭ u Bachmucie.
Drabniejšy ŭdar byŭ naniesieny taksama ŭ rajonie Majorska pad Horłaŭkaj, boj išoŭ i kala Vuhladara.
USU pačali taksama aktyŭna manieŭravać technikaj, u tym liku ŭ rajonie Charkava, što moža mieć na mecie ŭ tym liku dezaryjentavać rasijan adnosna kirunkaŭ hałoŭnych udaraŭ.
Ukrainski bok zajaviŭ, što ŭkrainskaj armii ŭdałosia prasunucca na niekalki kiłamietraŭ u rajonie Bachmuta.
Čytajcie taksama:
Pryhožyn: Kontrnastup ukraincaŭ užo idzie poŭnym chodam
Vialikabrytanija pastaviła Ukrainie rakiety dalokaściu 250 km. Heta mianiaje pole boju
Zialenski vieryć u pieramohu Ukrainy da vybaraŭ u ZŠA 2024 hoda