Polšča admianiaje zabaronu na čyhunačnaje złučeńnie ź Biełaruśsiu
Polšča bolš nie budzie praciahvać aficyjnuju zabaronu na pasažyrskija čyhunačnyja pieravozki ŭ Biełaruś i ź Biełarusi, ale heta nie aznačaje taho, što ruch ciahnikoŭ nieŭzabavie adnovicca, piša vydańnie Rynek Kolejowy.
10.05.2023 / 16:05
Fota ilustracyjnaje
Zabaronu na čyhunačnaje złučeńnie polskija ŭłady ŭviali na fonie pandemii karanavirusa jašče ŭ 2020 hodzie, a potym rehularna jaje pradaŭžali. Ciapier ža farmalnaje dziejańnie hetaj zabarony zakančvajecca i bolš praciahvać jaje nie płanujuć. Ale heta zusim nie aznačaje, što pieravozki adnoviacca.
Jak zajaviła Ministerstva infrastruktury Polščy, ciahniki ŭ Brest abo Hrodna chadzić usio adno nie buduć — z-za napružanych palityčnych adnosin pamiž dźviuma krainami. Akramia taho, ciapier całkam nie pracujuć i niekatoryja aŭtamabilnyja pamiežnyja pierachody, a na častcy ź ich nie dazvoleny pasažyrski ruch.
«My nie płanujem zapuskać stykoŭki ź Biełaruśsiu pavodle biahučaha hadavoha raskładu, jaki dziejničaje da 9 śniežnia hetaha hoda», — zajaviŭ pradstaŭnik polskaha MZS Šyman Huptyś.
Čytajcie taksama:
Polskija dalnabojniki pačali akcyju pratestu na miažy ź Biełaruśsiu
Čamu Litva zakryvaje ruch ciahnikoŭ praz pamiežny pierachod Stasiłas-Bieniakoni?