«Галіяф захістаўся». Залужны не прыехаў на пасяджэнне Вайсковага камітэта NATO з-за сітуацыі на фронце
Галоўнакамандуючы Узброенымі сіламі Украіны Валерый Залужны не зможа ўзяць удзел у пасяджэнні Вайсковага камітэта NATO 10 мая праз складаную сітуацыю на фронце. Пра гэта паведамляе «Укрінформ» са спасылкай на старшыню Вайсковага камітэта Роба Баўэра на адкрыцці сустрэчы.
10.05.2023 / 12:46
Валерый Залужны. Фота: «Украінская праўда»
«Я ўчора атрымаў ліст ад украінскага галоўнакамандуючага, нашага сябра Валерыя Залужнага, што ягоны ўдзел нават праз відэаканферэнцыю немагчымы, улічваючы складаную аператыўную сітуацыю ў абароне супраць расійскай агрэсіі. Нашы найлепшыя пажаданні з украінскімі абаронцамі. Мы сфакусаваныя атрымаць ацэнку Валерыя ад яго ваеннага прадстаўніка … аб апошнім развіцці сітуацыі на месцах, дзе ўкраінцы ваююць за тое, што па праве ім належыць».
Ён адзначыў, што члены Вайсковага камітэта заслухаюць інфармацыю ад ваеннага прадстаўніка Украіны пры NATO генерал-маёра Сяргея Салкуцана.
«Сённяшняя дыскусія першапачаткова будзе сфакусаваная на расійскай агрэсіўнай вайне супраць Украіны. Расія ўжо 15 месяцаў знаходзіцца ў тым, што, як яны думалі, будзе трохдзённай вайной. Галіяф захістаўся, бо Давід прадэманстраваў выдатную стойкасць і тактычную дасканаласць пры падтрымцы 50-ці дзяржаў па ўсім свеце», — сказаў адмірал Баўэр.
Чытайце таксама:
Украіна мае ўсё неабходнае, каб вызваліць землі, захопленыя за апошнія 14 месяцаў — Блінкен
Данілаў: Канчатковы план контрнаступлення Зяленскі яшчэ не зацвердзіў
ЗША не маюць намеру адпраўляць дальнабойныя ракеты ва Украіну — СМІ