Pryhožyn zajaviŭ, što vahnieraŭcam paabiacali dać bojeprypasy ŭ nieabchodnaj kolkaści i Suravikina
PVK «Vahnier» atrymaje nieabchodnyja snarady, zajaviŭ Jaŭhien Pryhožyn.
07.05.2023 / 12:15
Siarhiej Suravikin. Fota: AP
Pavodle jaho zajavy, nočču vahnieraŭcy atrymali bajavoje rasparadženńnie.
«Nam abiacajuć dać bojeprypasaŭ i ŭzbrajeńnia stolki, kolki nam patrabujecca dla praciahu dalejšych dziejańniaŭ. Nam klanucca, što na fłanhu budzie vystaŭlena ŭsio, kab nas nie padrezaŭ praciŭnik. Nam kažuć pra toje, što my možam dziejničać u Arciomaŭsku tak, jak ličym patrebnym, i nam dajuć Suravikina jak čałavieka, jaki budzie prymać usie rašeńni ŭ ramkach bajavych dziejańniaŭ PVK «Vahnier» va ŭzajemadziejańni ź Ministerstvam abarony», — zajaviŭ Pryhožyn.
Pavodle Pryhožyna, Suravikin — «adziny čałaviek z zorkaju hienierała armii, jaki ŭmieje vajavać».
Siarhiej Suravikin uznačaliŭ hrupoŭku vojskaŭ u pačatku kastryčnika. Adrazu paśla hetaha pačałasia taktyka masiravanych rakietnych abstrełaŭ. U studzieni kamandujučym tak zvanaj Abjadnanaj hrupoŭkaj vojskaŭ pryznačany načalnik Hienštaba hienierał armii Valeryj Hierasimaŭ.
Čytajcie taksama:
Załužny daŭ acenku Suravikinu: Zvyčajny dziaržymorda
Kamanda Navalnaha vypuściła rasśledavańnie «Jak Suravikin zarablaje na vajnie»