«Bolš, čym vojska Čechii abo Vienhryi». USU raspaviali, kolki rasijan vajuje pad Bachmutam
Pres-sakratar Uschodniaj hrupoŭki US Ukrainy Siarhiej Čaravaty paviedamiŭ, što na Bachmuckim napramku suprać Uzbrojenych sił Ukrainy vajuje 25,6 tysiačy rasijskich vajskoŭcaŭ.
01.05.2023 / 13:37
Bachmut. Fota: Libkos, File / AP Photo
«Na Bachmuckim napramku suprać nas vajuje 25,6 tys. čałaviek asabovaha składu, 65 tankaŭ, 450 BTR, 154 harmaty, 56 reaktyŭnych sistem załpavaha ahniu. Heta bolš, čym vojska Čechii abo Vienhryi», — adznačyŭ Čaravaty ŭ kamientaryi «RBK-Ukraina».
Jon taksama śćviardžaje, što RF štodnia hublaje kala 100 vajskoŭcaŭ u rajonie Bachmuta.
Raniej pres-sakratar Uschodniaj hrupoŭki vojskaŭ Uzbrojenych sił Ukrainy Siarhiej Čaravaty zajaviŭ, što rasijanie pakul dalokija ad zachopu «darohi žyćcia» ŭ Bachmucie, pa jakoj pastaŭlajucca charčavańnie, miedykamienty, zbroja i inšyja nieabchodnyja rečy dla vajskoŭcaŭ i hramadzianskich asob.
Čytajcie taksama:
Kamandujučy Uschodniaj hrupoŭkaj vojsk USU patłumačyŭ, čamu jany praciahvajuć utrymlivać Bachmut
Pryhožyn pahražaje adstupleńniem z Bachmuta, nazyvaje situacyju krytyčnaj