Erdahan uznaharodziŭ ratavalnikaŭ ź Biełarusi za dapamohu paśla ziemlatrusu
Biełaruskija ratavalniki dastali z-pad zavałaŭ šeść žyvych čałaviek.
26.04.2023 / 08:00
U Turcyi adbyłasia cyrymonija ŭšanavańnia mižnarodnych pošukava-vyratavalnych atradaŭ, jakija prymali ŭdzieł u likvidacyi nastupstvaŭ ziemlatrusu. Biedstva zdaryłasia ŭ lutym, u vyniku jaho zahinuli bolš za 45 tysiač čałaviek.
«U liku ŭznaharodžanych — Respublikanski atrad śpiecyjalnaha pryznačeńnia «ZUBR», jaki pradstaŭlaŭ jaho načalnik Ihar Zaremba. Z ruk prezidenta jon atrymaŭ dziaržaŭnuju ŭznaharodu», — havorycca ŭ paviedamleńni.
U Turcyju byli nakiravanyja tady 64 supracoŭniki z kinałahičnaj słužbaj, śpiectechnikaj i avaryjna-vyratavalnymi instrumientami.
Śpiecyjalisty MNS pracavali ŭ paciarpiełym ad sieryi ziemlatrusaŭ horadzie Kachramanmaraš.
Za čas pošukava-vyratavalnych rabot biełarusy z-pad zavałaŭ dastali šeść žyvych čałaviek.
Taksama Biełaruś akazała humanitarnuju dapamohu rehijonam Turcyi.