У Сендайскім скверы ў Мінску квітнее сакура ФОТЫ
Мінчукі ўжо аблюбавалі гэтае месца для фотасесій. Фоты публікуе агенцтва «Мінск-Навіны».
25.04.2023 / 19:07
Фота тут і далей: «Мінск-Навіны»
Гэты сквер ля будынка Музычнай камедыі быў заснаваны ў 2002 годзе ў гонар пабраціма Мінска, японскага горада Сендая.
Тады ж усталявалі японскія гадзіннікі, якія паказваюць час мінскі і сендайскі. У 2007 годзе дэлегацыі мэрый абодвух гарадоў пасадзілі ў скверы першыя саджанцы сакуры, а праз два гады, 30 чэрвеня, у рамках Дзён Сендая ў Мінску адбылася цырымонія высадкі ў скверы алеі горнай сакуры.
Цяпер каля квітнеючай белай сакуры аншлаг.