Pryznačyli datu razhladu apielacyi na prysud «rejkavym partyzanam»
Razhlad apielacyjnych skarhaŭ palitviaźniaŭ projdzie 26 krasavika ŭ Viarchoŭnym sudzie. Rašeńnie budzie prymać sudździa Fiodar Čubkaviec, paviedamlaje «Viasna».
24.04.2023 / 19:54
U Mahiloŭskim abłasnym sudzie 10 lutaha vynieśli prysud trom «rejkavym partyzanam»: Dźmitryju Klimavu, Uładzimiru Aŭramcavu i Jaŭhienu Minkieviču z Babrujska. Dvum pieršym pryznačyli pa 22 hady kałonii, a apošniamu — 1,5 hoda kałonii.
Minkieviča vyzvalili ad pakarańnia častkova terminam na adzin hod pavodle Zakona «Ab amnistyi ŭ suviazi z Dniom narodnaha adzinstva».
Klimava i Aŭramcava sudzili pa piaci ciažkich artykułach Kryminalnaha kodeksa, u tym liku za «akt teraryzmu», «zdradu dziaržavie» i «ŭdzieł u terarystyčnaj arhanizacyi». Spravu ŭ zakrytym režymie dva tydni razhladaŭ sudździa Ihar Šviedaŭ.
Čytajcie taksama:
AAC pačaŭ pazbaŭlać «ekstremisckija» ŚMI damiennaha imia ŭ Biełarusi — BAŽ