Raptoŭna pamior Andrej Dziečka, adzin z aŭtaraŭ antyłukašenkaŭskaha zvarotu byłych vajskoŭcaŭ
Andrej Dziečka byŭ inžynieram-prahramistam na AAT «Pielenh», a pierad tym słužyŭ u vojsku (byŭ majoram zapasu). U kastryčniku 2020-ha jon, major zapasu, staŭ adnym z aŭtaraŭ zvarotu čatyroch byłych biełaruskich vajskoŭcaŭ da dziejnych siłavikoŭ, delehatam «Schodu», a taksama aktyvistam niezaležnaha prafsajuza. Jamu było 46 hadoŭ.
19.04.2023 / 18:08
Andreja Dziečku zatrymlivali ŭ lipieni 2021 hoda, ale praz 10 dzion vypuścili ź SIZA KDB. Da samaj śmierci jon byŭ padazravanym pa kryminalnaj spravie.
«Andrej mocna pieražyvaŭ toje, što adbyvałasia z krainaj i im samim. Dy i prosta byŭ dobrym čałaviekam. Siońnia ŭnačy jon raptoŭna syšoŭ ź ziamnoha žyćcia. Jamu było 46 hadoŭ. Viečnaja pamiać», — napisaŭ u sacsietkach adzin ź jahonych byłych kaleh.
Čytajcie taksama:
Pamior były rektar Homielskaha ŭniviersiteta
Pamior ksiondz Ernest Budyn, jaki amal čverć stahodździa słužyŭ u Biełarusi