Прызыўнікоў у Маскве будуць шукаць з дапамогай сістэмы распазнавання твараў, у тым ліку беларускай Kipod
У Маскве прызыўнікоў будуць знаходзіць з дапамогай гарадской сістэмы відэаназірання. Улады Масквы сочаць за жыхарамі з дапамогай адразу чатырох тэхналогій распазнання твараў — яны працуюць адначасова і канкуруюць паміж сабою. Адна з іх, Kipod — распрацоўка расійска-беларускай кампаніі «Сінэзіс».
18.04.2023 / 10:12
Устаноўленая ў Маскве сістэма «разумных камер», якія распазнаюць твары, выкарыстоўваецца, у ліку іншага, для пошуку прызыўнікоў, распавёў ваенны камісар Масквы палкоўнік Максім Локцеў. Паводле яго, асноўнай прычынай, па якой прызыўнікі не ідуць у ваенкамат, зʼяўляецца пражыванне не па месцы рэгістрацыі — з-за гэтага ім не ўдаецца ўручыць позву. Для вызначэння месца жыхарства прызыўніка выкарыстоўваюцца сістэмы відэаназірання горада.
Пра гэтую сістэму рабіла расследаванне BBC. Паводле яго, у Расіі выкарыстоўваюць у тым ліку беларускую сістэму Kipod ад кампаніі Synesis, дзякуючы якой сілавікі лавілі людзей пасля пратэстаў 2020-га. А расійскія сілавікі гэтак сама затрымлівалі ў маскоўскім метро ўдзельнікаў пратэстаў супраць вайны.
Цяпер з дапамогай беларускай сістэмы відэаназірання можна будзе адпраўляць людзей у армію і на вайну.
«Сінэзіс» і адзін з заснавальнікаў кампаніі Аляксандр Шатроў трапілі пад санкцыі ЕС і ЗША — за прадастаўленне беларускім уладам платформы для сачэння і ідэнтыфікацыі праціўнікаў рэжыму.
Чытайце таксама:
«Усталёўваецца відэаназіранне». Кубракоў распавёў, як МУС рыхтуецца да новых выбараў
Мінчук скінуў мужчыну з лесвіцы ў пераходзе метро. Яго знайшлі па запісах відэакамер