Minkult admianiŭ prakat jašče adnaho biełaruskaha filma
Minkult nie dazvoliŭ prakat čarhovaha biełaruskaha filma. Na hety raz čynoŭnikam nie dahadziŭ psichałahičny tryler «Dziŭny dom», paviedamlaje «Jeŭraradyjo». Jaho aŭtary — pradziusar Alaksiej Lipaŭ (uładalnik kampanii Filmwagen) i klipmejkier i režysior Maksim Maksimaŭ.
15.04.2023 / 17:41
Karcina musiła vyjści 13 krasavika, ale premjeru admianili. Pa słovach režysiora, film adpravili na dadatkovuju pravierku, z čym jana źviazanaja — nieviadoma. 6 krasavika «Dziŭny dom» vyjšaŭ u rasijski prakat.
Stužka raspaviadaje pra siamiejnuju paru, jakaja adpraŭlajecca na adpačynak paśla lačeńnia žonki ad psichičnaj chvaroby. Kožnuju ranicu maładaja žančyna, pračynajučysia, razumieje, što dom pieramiaściŭsia ŭ inšaje miesca. Muž sprabuje supakoić žonku, ale jaje «varjactva» abvastrajecca, pakul jana nie vyjaŭlaje sapraŭdnyja pryčyny taho, što adbyvajecca.
Alaksiej Lipaŭ i Maksim Maksimaŭ viadomyja prajektam «Zabaronienaja zona» režysiora Mitryja Siamionava-Alejnikava.
Čytajcie taksama:
Dyk hladzieć ci nie? Raźbirajemsia, čaho čakać ad skandalnaha sieryjała pra «Pieśniaroŭ»