Supracoŭnicu Połackaha historyka-kulturnaha zapaviednika zvolnili padčas adbyćcia aryštu
Tamara Džumantajeva adsiadzieła 15 sutak.
15.04.2023 / 15:12
Tamara Džumantajeva
Supracoŭnicu Połackaha historyka-kulturnaha zapaviednika Tamaru Džumantajevu zvolnili padčas adbyćcia aryštu. Pra heta «Pozirku» paviedamiła krynica, jakaja pažadała zastacca nienazvanaj.
13 krasavika z-pad aryštu vyzvalili Džumantajevu, fatohrafa Kiryła Smalakova i elektryka zapaviednika (imia nieviadomaje).
14 krasavika na voli akazalisia staršy navukovaja supracoŭnica Połackaj mastackaj halerei Alaksandra Kaściukievič i Alena Chodzikava, jakaja raniej zvolniłasia z zapaviednika. Jany adbyli pa 15 sutak.
Paŭtorna byŭ aryštavany navapołacki fatohraf Ihar Supranionak, a taksama supracoŭnik zapaviednika Ihar Bortnik.
29 i 30 sakavika byli zatrymanyja bolš za 10 žycharoŭ Połacka i Navapołacka.
Niekalkich supracoŭnikaŭ Połackaha historyka-kulturnaha zapaviednika vyzvalili paśla aryštaŭ
Prajšli pieratrusy i zatrymańni siarod połackich muziejščykaŭ