Hirkina-Strałkova paśla danosu praviarajuć nakont dyskredytacyi rasijskaj armii
U palicyju źviarnułasia žančyna z Navasibirska, jakuju aburyli publikacyi eks-ministra abarony «DNR» u sacsietkach, dzie toj krytykuje ŭładu, piša «Sievier. Realii».
14.04.2023 / 10:49
Ihar Hirkin-Strałkoŭ. Skrynšot ź videa
Ciapier Hirkinym-Strałkovym cikaviacca picierskija śledčyja i maskoŭskaje MUS.
Jaho chočuć pravieryć na «dyskredytacyju» vojska i machlarstva. Sa słoŭ zajaŭnicy, u svaich rolikach jon abražaŭ uładu i abvinavaciŭ kiraŭnictva krainy ŭ tym, što vajennyja dziejańni nie pačalisia ŭ 2014 hodzie.
Žurnalistam udałosia znajści aŭtarku danosu, jana paćvierdziła svaje pretenzii da Strałkova i zaviaršyła razmovu frazaj: «Navošta mnie havaryć z žurnalistami, ja sama pry pahonach».
Strałkova z žonkaj taksama padazrajuć u machlarstvie — nibyta jany atrymlivali achviaravańni na patreby vajny, ale pra ich nijak nie davali spravazdaču, tamu hrošy mahli iści kudy zaŭhodna.
Uvosień 2022 hoda Strałkoŭ byŭ pryznany vinavatym u krušeńni małazijskaha Boinha rejsa MH17 i hibieli ŭsich jaho pasažyraŭ. Haahski sud asudziŭ jaho i inšych abvinavačanych da pažyćciovych terminaŭ zavočna i abaviazaŭ vypłacić siemjam zahinułych minimum €16 młn u jakaści kampiensacyi.