Dva čałavieki zahinuli ŭ DTZ pad Žabinkaj, zamiest mašyny — kuča mietałałomu
Strašnaje DTZ z dvuma zahinułymi adbyłosia ŭ Žabinkaŭskim rajonie 12 krasavika, paviedamili ŭ pres-słužbie MUS. Śmiarotnaja avaryja adbyłasia kala 17:30 hadzin pobač ź vioskaj Ściapanki.
12.04.2023 / 21:58
U MUS paviedamili, što 34-hadovy kiroŭca Audi nie spraviŭsia z kiravańniem na zakruhleńni darohi. U vyniku inšamarka źjechała ŭ levy pa chodzie ruchu kiuviet i pierakuliłasia.
«Kiroŭca i 43-hadovy pasažyr lehkavika zahinuli», — prakamientavali ŭ MUS.
Pa fota, jakoje apublikavała pres-słužba viedamstva ź miesca avaryi, možna zrazumieć, nakolki surjoznym było DTZ, — mašyna pieratvaryłasia ŭ kuču mietałałomu.
Pryčyny i abstaviny DTZ vyśviatlajuć śpiecyjalisty.