Minčuk napaŭ na junakoŭ z-za hučnaj muzyki
Zdareńnie adbyłosia jašče 12 listapada ŭ dvary doma na vulicy Plachanava.
12.04.2023 / 09:15
Mužčyna raśpivaŭ śpirtnoje sa svaim znajomym. Nočču mima ich prachodziła kampanija maładych ludziej z kałonkaj, ź jakoj hučna hrała muzyka.
Mužčyna zrabiŭ im zaŭvahu, zaviazaŭsia kanflikt.
Junaki zastalisia ŭ dvary, a mužčyna padniaŭsia da siabie ŭ kvateru, uziaŭ kuchonny nož, spuściŭsia i kinuŭsia na chłopcaŭ. Trymajučy ich za vopratku, jon nanios niekalki ŭdaraŭ pa žyćciova važnych orhanach dvuch maładych ludziej — 17 i 19 hadoŭ, paviedamlaje SK.
Siabry paciarpiełych vyklikali chutkuju dapamohu. Mužčynu nieŭzabavie zatrymała milicyja. Jon rastłumačyŭ, što chacieŭ tolki napałochać chłopcaŭ, ale ŭ vyniku śpirtnoje padšturchnuła jaho da bolš aktyŭnych dziejańniaŭ. Abvinavačvany byŭ raniej sudzimy za zachoŭvańnie zabaronienych rečyvaŭ i ŭchileńnie ad adbyćcia pakarańnia.
Mužčyna byŭ uziaty pad vartu.