U internecie źjaviłasia videa, jak adrazajuć hałavu ŭkrainskamu vajskoŭcu
Rasijskija vajskoŭcy žorstka zabili pałonnaha ŭkrainskaha vajskoŭca i zapisali heta na videa. Videa źjaviłasia ŭ rasijskich pablikach u aŭtorak.
12.04.2023 / 08:30
Skryn ź videa
Uviečary 11 krasavika ŭ sacyjalnych sietkach raspaŭsiudzili videa žorstkaha zabojstva ŭkrainskaha pałonnaha. Na kadrach zadakumientavana, jak rasijski vajskoviec nažom adrazaje hałavu ŭkrainskamu abaroncu, jaki na toj momant byŭ jašče žyvy.
Znachodziačysia ŭ šokavym stanie, pałonny kryčyć, što jamu baluča. Akupanty kamientujuć pakarańnie słovami «Pracujem, braty», «Łamaj chrybietnik, što nikoli bašku nie rezaŭ, n***».
Adrezanuju hałavu rasijanie demanstrujuć na kamieru i kažuć, što jaje treba adpravić kamandziru zabitaha.
Skryn ź videa
Tvar akupanta, jaki ździejśniŭ pakarańnie, na videa zakryty maskaj. Na zapisie vidać, jak prysutny na miescy zabojstva rasijski vajskoviec demanstruje na kamieru broniekamizelku pakaranaha ŭkrainskaha pałonnaha.
Na videa taksama možna ŭbačyć zialonaje liście, što moža śviedčyć ab tym, što zapis zrobleny ŭ minułym hodzie.
Na źjaŭleńnie šakujuych kadraŭ adreahavaŭ kiraŭnik Ofisa prezidenta Ukrainy Andrej Jarmak.
«Za ŭsio budzie adkaz i adkaznaść», — napisaŭ jon u telehramie.
U sakaviku stała viadoma, što rasijskija zachopniki rasstralali biazzbrojnaha ŭkrainskaha pałonnaha paśla słoŭ «Słava Ukrainie».