Pad Bychavam pradajuć zakinuty aeradrom stratehičnaj avijacyi
Bychaŭski kansiervava-aharodninasušylny zavod vystaviŭ na prodaž bietonnuju štučnuju ŭźlotna-pasadačnuju pałasu zakinutaha vajskovaha aeradroma stratehičnaj avijacyi ŭ Bychavie. Abjava źjaviłasia na sajcie «Biełrealizacyi».
08.04.2023 / 17:45
Skrynšot ź videa
Bietonnaja pałasa płoščaj 483187 kv. m znachodzicca ŭ Bychavie Mahiloŭskaj vobłaści. Tam raźmiaščaŭsia adzin z najstarejšych u historyi avijacyi aeradrom. U saviecki čas tam bazavałasia avijahrupa stratehičnaj avijacyi, jakaja ŭvachodziła ŭ skład VPS Bałtyjskaha fłotu.
Pieršyja tarhi pryznačanyja antykryzisnym kiraŭnikom na 2 traŭnia, i startavy košt składaje 15 600 000 biełaruskich rubloŭ biez PDV (kala 5,3 młn dalaraŭ). Majomaść pradajecca pa faktyčnym stanie na datu prodažu, rekamiendujecca papiaredni ahlad da nabyćcia.
Pa ŭmovach konkursu pakupnik pavinien nie mienš za adzin hod vykarystoŭvać abjekt pavodle metavaha pryznačeńnia (vytvorčaść sielskahaspadarčaj pradukcyi).
Čytajcie taksama:
U Homieli źbiralisia budavać akvapark, ale zamiest jaho paŭstanie abjekt «Hazprama»
Z čaćviortaha razu pradali staruju panskuju siadzibu ŭ Hancavickim rajonie
U Viciebskaj vobłaści ŭ krasaviku pradajecca šeść abjektaŭ historyka-kulturnaj spadčyny