Prodažy novych aŭtamabilaŭ u Biełarusi abrynulisia na 80% — BAA
Pa źviestkach statystyki, u sakaviku abjom prodažaŭ novych lehkavych aŭtamabilaŭ, pradadzienych členami Biełaruskaj aŭtamabilnaj asacyjacyi (BAA), vyras na 27% i skłaŭ 1202 aŭtamabila. Razam z tym, pry paraŭnańni abjomu prodažaŭ 1-ha kvartała z anałahičnym pieryjadam 2022 hoda padzieńnie skłała 80%, piša av.by.
07.04.2023 / 19:26
Stanoŭčym faktaram źjaŭlajecca źjaŭleńnie na biełaruskim rynku novych brendaŭ i madelaŭ aŭtamabilaŭ. Ale, u toj ža čas, zachoŭvajecca situacyja pieravyšeńnia pakupnickaha popytu nad prapanovaj, adznačyŭ člen praŭleńnia BAA Hienadź Śvidzierski.
Ciapier jaŭnym lidaram rynku źjaŭlajecca marka Geely. Na jaje rachunku 72% ad usich pradadzienych novych lehkavych aŭtamabilaŭ.
Varta adznačyć taksama, što akramia prodažaŭ novych aŭtamabilaŭ členami BAA, uvoz i realizacyju transpartnych srodkaŭ katehoryi M1 (M1G) rabili i inšyja jurydyčnyja, a taksama fizičnyja asoby.
Pa infarmacyi UP «BAA-Kansałt» (daččynaje pradpryjemstva BAA), inšymi asobami ŭ pieršym kvartale 2023 hoda na ŭnutranym rynku Respubliki Biełaruś realizavana nie mienš za 250 novych lehkavych aŭtamabilaŭ pieravažna premium-siehmienta (takich jak BMW, Lexus, Land Rover, Toyota i Mercedes-Benz).
Čytajcie taksama:
U Biełarusi źjavicca jašče adzin kitajski aŭtabrend
«Dastery» za 30 000 dalaraŭ, «Viesty» za 16 500. Jakija novyja aŭto prapanujuć dylery
«Takich «Aŭdzi» amal nie zastałosia». Pa jakich cenach biełarusy pradajuć narodnyja aŭtamabili