Na ANT raskazali pra novych zatrymanych pa abvinavačańniach u «teraktach» — niekatorych aryštavali siemjami
Na ANT vypuścili film pra «sietku SBU» ŭ Biełarusi. U im raskazali pra niekalki spraŭ, u tym liku pra dyviersiju ŭ Mačuliščach. Ź jaho stali viadomy novyja imiony zatrymanych i abvinavačańni, jakija im vystaŭlajucca.
05.04.2023 / 00:09
Zatrymańnie ŭ Sieńnicy. Skrynšot videa ANT
Pradprymalnik, jaki, pa viersii prapahandy, uziaŭ Švieca na pracu dla prykryćcia
Niekatoryja z detalaŭ ahučvalisia dziaržTB raniej.
Pavodle siužetu prapahandy, ukrainiec Mikałaj Šviec, zatrymany za dyviersiju ŭ Mačuliščach, byŭ znajomy z pradstaŭnikom SBU i byŭ navučany kiravać dronami.
Spačatku jaho nibyta chacieli pasłać u Rasiju, a paśla płan źmianiŭsia — za paŭmiesiaca da dyviersii skazali, što jechać treba budzie na aeradrom u Mačuliščach.
Šviec, śćviardžaje prapahanda, mieŭ psieŭdanim «Haspar».
Z Kijeva mužčyna vyjazdžaŭ na ciahniku ŭ Varšavu, a paśla pajechaŭ u Łodź da Viktara Jakucika. Jakucik, pa viersii prapahandy, paźniej pieradavaŭ drony.
Šviec sprabavaŭ ujechać u Biełaruś dvojčy. Pieršy raz raźviarnuli — jon pakazaŭ spačatku ŭnutrany rasijski pašpart, paśla ŭkrainski, a paśla niby prasiŭ nie stavić adznaku ab pierasiačeńni miažy («bo biažyć ad vajny i nie choča, kab pa viartańni byli prablemy»), paśla čaho jamu admovili va ŭjeździe. Druhi raz jon zajechaŭ paśpiachova praz Rasiju, na rejsavym aŭtobusie z Pskova.
U pačatku lutaha Šviec atrymlivaje drony, adzin Jakucik pieradaje praz «Jandeks. Dastaŭku», druhi praz svajho znajomaha — Dzianisa Sakałova. Sakałoŭ, jak śćviardžajuć u siužecie, raniej uładkavaŭ Švieca na pracu ŭ svaju prajektnuju kampaniju ŭ Minsku — architektaram-technikam na pałovu staŭki.
Dzianis Sakałoŭ. Skrynšot videa ANT
Kvateru dla Švieca niby šukali jašče minułaj vosieńniu. Znajšli praz Andreja Ściapurku. Toj znajšoŭ kvateru ŭ znajomaj baćkoŭ — Łarysy Kučynskaj.
Łarysa Kučynskaja. Skrynšot videa ANT
Jak vynikaje ź siužeta, zatrymali i Kučynskuju, i baćkoŭ Ściapurki. Ich prapahanda abvinavačvaje ŭ ździajśnieńni aktu teraryzmu.
Ajcišnik, jaki niby vioŭ tranślacyju z aeradroma
U siužecie prahučała jašče adno novaje imia zatrymanaha — Dźmitryj Mastavy. Ajcišnik, žychar Sieńnicy. Pavodle ANT, jon prapanavaŭ «Biełaruskamu Hajunu» źlivać infarmacyju pra aeradrom. Dźmitryj niby naładziŭ tranślacyju z kampjutara, jakaja dva tydni išła bieź pierapynku.
Dźmitryj Mastavy. Skrynšot videa ANT
Paźniej, kab palepšyć jakaść tranślacyi, jon prapanavaŭ paviesić dadatkovuju kamieru na dom, śćviardžaje prapahanda.
U akcie teraryzmu abvinavačvajuć taksama drukara Aleha Syčova. Pra jaho paviedamlałasia raniej: jon byŭ haspadarom katedža ŭ vioscy Čarciaž. Jamu nibyta napisaŭ Siarhiej Łaparoŭ, muž psichaterapeŭtki Jaŭhienii Tyčyckaj, z prośbaj pasialić u siabie čałavieka. Kaho — nie ŭdakładniaŭ.
Aleh Syčoŭ. Skrynšot videa ANT
Hrodna. «Płanavaŭ uzarvać naftabazu»
U siužecie raspaviali taksama pra inšych zatrymanych z «sietki SBU» — ale pa inšym kiejsie, u Hrodnie (nie tym, dzie byŭ «teraryst u paryku»).
Adzin ź ich — rasijanin Andrej Kulikoŭ. Jon nibyta zdymaŭ na fota abjekty ŭ Hrodnie — vajenkamat Hrodna i Hrodzienskaha rajona, vajskovuju čaść 41780, naftabazu rajona Auls, naftabazu rajona Dzieviatoŭka, hienkonsulstva RF.
Raskazvajuć, što hod tamu Kulikoŭ źbieh ad pryzyvu, a trapić u Hrodna jamu dapamoh rasijski apazicyjanier Daniił Krynary (Kavaleŭski). U śniežni Krynary zatrymali ŭ Hrodnie i ekstradziravali ŭ Rasiju.
Kulikoŭ ciapier u SIZA, jaho abvinavačvajuć pa č. 2 art. 289 (akt teraryzmu) i č. 2 art. 126 (akt mižnarodnaha teraryzmu).
Druhi fihurant — biełarus Vadzim Pacenka. Na kadrach dopytu jon kaža, što jamu niby pastavili zadaču ŭzarvać naftabazu z dapamohaj drona i vybuchoŭki.
Vadzim Pacenka. Skrynšot videa ANT
Pacenka taksama ŭ SIZA, jamu inkryminujuć č. 2 art 289 (akt terarazymu).
Zhodna z zajavaj namieśnika načalnika śledčaha ŭpraŭleńnia KDB Kanstancina Byčaka, usim fihurantam kryminalnaj spravy (nie zrazumieła, razmova tolki pra Mačuliščy ci pra kiejs u Hrodnie taksama) inkryminujecca č. 3 art. 289 (akt teraryzmu arhanizavanaj hrupaj) i art. 356 (zdrada dziaržavie).
Zatrymana bolš za 20 čałaviek.
«Sietka SBU», pakazanaja ŭ siužecie prapahandy. Skrynšot videa ANT
Čytajcie taksama:
Dziomin i Łapacin — inšyja ŭdzielniki niejtralizacyi rasijskaha samalota pa viersii KDB
KDB zajaviŭ pra datyčnaść da dyviersii suprać samalota ŭ Mačuliščach śpiecsłužbaŭ Polščy
Kaho mienavita zatrymali ŭ vioscy Čarciaž? Heta siamiejnaja para, u ich dvoje dziaciej
Novyja padrabiaznaści pra ataku na samalot u Mačuliščach: prapahandysty nazvali novyja imiony