Арыштавалі Дональда Трампа, але тут жа вызвалілі
Як паведамляюць СМІ, арышт экс-прэзідэнта ЗША працягнецца да часу афіцыйнага выстаўлення яму абвінавачанняў.
04.04.2023 / 21:22
Гэта ў значнай ступені фармальная працэдура. Пасля свайго прыбыцця ў суд Трамп здаўся ўладам і быў арыштаваны, бо гэтага вымагае закон.
Пасля гэтага ў яго павінны ўзяць адбіткі пальцаў і сфатаграфаваць. І толькі пасля гэтых працэдур адбудзецца першае слуханне па справе. Упершыню ў гісторыі такое адбываецца ў дачыненні да былога прэзідэнта ЗША.
Абвінаваўчае заключэнне мусіць быць выстаўленае па справе аб дачыненні Дональда Трампа да выплаты 130 тыс. даляраў порнаактрысе Стормі Дэніэлс.
Як і прагназавалася ад пачатку, арышт былога прэзідэнта ЗША Дональда Трампа быў нядоўгім і больш фармальным. Пасля выстаўлення абвінавачанняў ён пакінуў залу суда.