Biełarusy pa kolkaści vykuranych cyharet — na trecim miescy ŭ Jeŭropie
Pavodle apublikavanych źviestak za 2019 hod, siaredni hramadzianin našaj krainy vykurvaje ŭ hod 2432 cyharety, heta značyć, amal pa 2,5 pački na tydzień. Bolš tolki ŭ Paŭnočnaj Makiedonii i Bałharyi — 2515 i 2495 adpaviedna.
04.04.2023 / 18:39
Miescy ŭ kancy śpisu zajmajuć Narviehija (usiaho 365 čałaviek), Vialikabrytanija (468) i Šviecyja (638).
Uvohule z apublikavanaj karty vidać, što najbolš lubiać kuryć u krainach Uschodniaj i Centralnaj Jeŭropy.
Toje, što kurcoŭ mienš u Skandynavii i Zachodniaj Jeŭropie, tłumačycca niekalkimi faktarami, u tym liku i tym, što ŭ hetych krainach pryniatyja surovyja antytytuniovyja zakony i ŭviedzienyja vysokija akcyzy na cyharety, što viadzie da ich darahoŭli. Naprykład, košt adnaho pačka cyharet u Šviecyi dasiahnuŭ užo 6-7 jeŭra, a ŭ Brytanii jon jašče daražejšy: 12-14 jeŭra.
Statystyka ž pa Biełarusi moža ŭličvać nie kolkaść cyharet, vykuranych ułasna biełarusami, a kolkaść pradadzienych. Peŭnaja častka ź ich potym adpraŭlałasia kantrabandaj u susiednija krainy.
Čytajcie taksama:
Na litoŭskaj miažy zafiksavali novy rekord cyharetnaj kantrabandy ź Biełarusi
Łatvijskija pamiežniki vyłavili ŭ Dźvinie kantrabandnyja biełaruskija cyharety. 150 tysiač štuk