Hladzicie, jaki pientchaus ź dzirkaj u stoli pradajecca ŭ Minsku
Pientchaus płoščaj 300 kvadrataŭ pradajecca na vulicy Płatonava niedaloka ad centra. Akramia płoščy, płaniroŭki i cany, u im jość i jašče adna cikavaja asablivaść — šklany kupał u stoli, piša realt.by.
03.04.2023 / 10:25
Pientchaus znachodzicca na Płatonava, 23. Heta 19-paviarchovy dom za 10 chvilin chady ad stancyi mietro «Płošča Jakuba Kołasa». Niedaloka ad doma — Bataničny sad.
Dom 2014 hoda pabudovy, pientchaus znachodzicca na apošnim 19-m paviersie. U abjavie napisana, što tut čatyry pakoi. Ahulnaja płošča — kala 300 kvadrataŭ. Žyłaja — amal 120 kvadrataŭ. Pad kuchniu adviedziena amal 40 kvadratnych mietraŭ. Płaniroŭka niestandartnaja, z paŭkruhłymi voknami.
Pientchaus biez ramontu. Na padłohach — bietonnaja ściažka. Jość bałkon i vialikaja terasa na dachu.
U adnym z pakojaŭ u stoli možna zaŭvažyć vialikuju adtulinu, ź jakoj bačny šklany kupał.