Novaja Ziełandyja abjaviła ab uviadzieńni sankcyj suprać piaci biełaruskich hramadzian
Uviedzienyja Novaj Ziełandyjaj sankcyi ŭklučajuć zabaronu na ŭjezd, apieracyi z aktyvami, nadańnie pasłuh i inšyja zabarony.
01.04.2023 / 23:00
Ministarka zamiežnych spraŭ Novaj Ziełandyi Nanaja Machuta nie nazvała proźviščy biełaruskich fihurantaŭ śpisa, adznačyŭšy tolki, što sankcyi ŭvodziacca pa ŭzhadnieńni ź miascovym upaŭnavažanym pa pravach dziciaci.
Abmiežavańni źviazanyja z rašeńniem Mižnarodnaha kryminalnaha suda ŭ Haazie vydać ordar na aryšt upaŭnavažanaj pry prezidencie RF pa pravach dziciaci Maryi Lvovaj-Białovaj, jakaja razam z Uładzimiram Pucinym padazrajecca ŭ niezakonnaj departacyi ŭkrainskich dziaciej u Rasiju.
«Razam z upaŭnavažanaj pa pravach dziciaci my padviarhajem sankcyjam jašče 26 čałaviek — piaciarych ź Biełarusi i astatnich z Rasii — u znak našaha pastajannaha asudžeńnia dziejańniaŭ Rasii i našaj padtrymki Ukrainy. My taksama ŭvodzim sankcyi ŭ dačynieńni da jašče piaci rasijskich arhanizacyj, jakija majuć stratehičnaje značeńnie dla Rasii», — zajaviła Nanaja Machuta.
Novaja Ziełandyja ŭviała sankcyi suprać biełaruskich fizičnych asob 21 listapada 2022 hoda. U śpis byli ŭklučanyja, u pryvatnaści, aficyjnaja žonka Łukašenki Halina, ź jakoj jon užo amal 30 hadoŭ nie žyvie, i ich starejšy syn Viktar.
Čytajcie taksama:
ZŠA ŭviali novyja sankcyi ŭ dačynieńni da biełaruskich kampanij, fizičnych asob i samalota Łukašenki