U Polščy zatrymali arhanizatara nielehalnaj mihracyi ź Biełarusi
Supracoŭniki padlašskaha adździaleńnia polskaj Pamiežnaj achovy zatrymali ŭ adnym z pasieliščaŭ pad Varšavaj 33-hadovaha hramadzianina Jehipta, jaki arhanizoŭvaŭ niezakonny pierachod miažy ź Biełarusi ŭ Polšču.
31.03.2023 / 15:49
Fota: strazgraniczna.pl
Mužčyna lehalna žyvie ŭ Polščy ŭžo siem hadoŭ. Jaho padazrajuć u tym, što jon dapamoh arhanizavać pierachod miažy niekalkim dziasiatkam mihrantaŭ z Afhanistana, Siryi i Jehipta.
Jahonaja rola zaklučałasia ŭ arhanizacyi pieravozu mihrantaŭ ad miažy ź Biełaruśsiu ŭ Zachodniuju Jeŭropu. Pasłuha kaštavała ad 200 da 1000 jeŭra na čałavieka.
Zatrymanaha źmiaścili pad vartu na dva miesiacy. Jamu pahražaje da vaśmi hadoŭ turmy.
U hetym hodzie polskija pamiežniki zatrymali 176 čałaviek za arhanizacyju pierachodu miažy mihrantami i dapamohu ŭ hetym. 58 ź ich byli aryštavanyja. Letaś byŭ zatrymany 401 pamahaty.
Čytajcie taksama:
Mihranty na biełaruska-polskaj miažy kidalisia ŭ polskich pamiežnikaŭ kamianiami
Adnovicca avijazłučeńnie ź Iranam. Ci ryzyknie Łukašenka paŭtaryć ataku mihrantami?