У пошуках ежы буслы выйшлі на палескія дарогі ФОТА і ВІДЭА
Пасля анамальна цёплых дзён у канцы сакавіка ў Беларусі прайшоў снегапад, зямлю замяло. Па начах слупок тэрмометра апускаўся да мінусавых значэнняў, на некаторых вадаёмах зноў з'явіўся лёд. Як вынік, знік корм для пералётных птушак, і буслы, якія сёлета вярнуліся дахаты раней, чым звычайна, апынуліся ў складаным становішчы.
30.03.2023 / 22:12
Фота з сацсетак
Днямі жыхар Мікашэвічаў назіраў такую карціну на дарозе ў прыватным сектары. У пошуках ежы чарада буслоў блукала па праезнай частцы і некаторы час суправаджала кіроўцу, піша «Медыя Палессе».
У падобнай сітуацыі, дарэчы, пералётныя птушкі аказваліся і летась, і 10 гадоў таму — у 2013-м.
Дзесяць гадоў таму была адзначаная гібель пералётных птушак, асабліва буслоў. У некаторых вёсках жыхары збіралі паўзамерзлых птушак і выходжвалі іх дома, а таксама прыносілі ім ежу, якую раскладалі на лугах і ў палях.
Чытайце таксама:
На Палессі пабачылі першых буслоў, што прыляцелі з выраю. Сёлета яны вярнуліся раней, чым звычайна
Як жыхары вёскі ў Крычаўскім раёне прытулілі на зіму бусла
Энергетыкі паставілі на апорах лэп больш за 200 платформаў для буслянак