Kultavy anime-sieryjał «Pakiemon» zaviaršyŭsia praz 26 hadoŭ pakazu
Apošniuju sieryju pakazali pa japonskim telebačańni.
25.03.2023 / 12:03
Fota: pixabay
Japonski telekanał TV Tokyo 24 sakavika pakazaŭ apošniuju sieryju kultavaj anime-franšyzy «Pakiemon». Sieryja atrymała nazvu The Rainbow and the Pokemon Master («Viasiołka i majstar pakiemonaŭ»).
Jana stavić kropku ŭ doŭhaj historyi dvuch hałoŭnych piersanažaŭ franšyzy: Eša (u japonskim aryhinale — Satosi) i jaho siabra, suśvietna viadomaha pakiemona Pikaču.
Na žal, u hety momant apošni epizod sieryjała nie atrymajecca pahladzieć lehalna, bo jon dastupny tolki ŭ Japonii, a na takich płatformach, jak Netflix ci Amazon prime, naohuł vyjdzie tolki ŭ kancy viasny — pačatku leta (i tolki ŭ aryhinalnym japonskim ahučvańni z anhlijskimi subcitrami).
Tym nie mienš, sama anime-franšyza «Pakiemon» praciahnie svajo žyćcio i ŭ budučyni papoŭnicca inšym niadaŭna anansavanym sieryjałam pad nazvaj Pokémon Horizons: The Series, u jaki buduć uviedzieny novyja piersanažy. Trejler hetaha sieryjała možna pahladzieć na aficyjnym sajcie franšyzy.
Nahadajem, što «Pakiemon» — heta adna z samych viadomych u śviecie franšyz i źjaŭ pop-kultury, jakaja była stvorana kampanijaj Nintendo jašče ŭ 1997 hodzie. Suśviet uklučaje ŭ siabie vielizarnuju kolkaść filmaŭ, sieryjałaŭ, knih, časopisaŭ, fanfikaŭ, hulniaŭ i inš.
Sam anime-sieryjał «Pakiemon» vychodziŭ u efir na praciahu 26 hadoŭ. Jon naličvaje 25 siezonaŭ i 1234 epizody.
Čytajcie taksama:
Što pahladzieć. «Śmiešnaje dziaŭčo» (Funny Woman) — atmaśfiera, žarty i fajnaja akciorskaja praca
Supercell zakryvaje dostup da ŭsich svaich hulniaŭ u Biełarusi i Rasii
Što za apieracyju zrabiŭ Kirkoraŭ, kab mieć kubiki na presie? Raskazvajem miechanizm