Uładzimir Pucin ździejśniŭ rabočuju pajezdku ŭ Maryupal — pres-słužba
Jak paviedamiła pres-słužba Kramla, u Maryupali prezident Rasii ahledzieŭ šerah abjektaŭ horada, a taksama pahutaryŭ ź miascovymi žycharami.
19.03.2023 / 08:30
Pa danych pres-słužby, Pucin prylacieŭ u Maryupal na viertalocie. Zatym jon sam za styrnom aŭtamabila «abjechaŭ niekalki rajonaŭ horada, robiačy prypynki».
Jaho aznajomili z chodam adnaŭlenčych rabot u horadzie i vakolicach. «U pryvatnaści, havorka išła ab budaŭnictvie novych žyłych mikrarajonaŭ, sacyjalnych i adukacyjnych abjektaŭ, infrastruktury ŽKH, miedycynskich ustanoŭ», — adznačyli ŭ pres-słužbie.
Zatym Pucin pravioŭ naradu ŭ kamandnym punkcie śpiecyjalnaj vajennaj apieracyi ŭ Rastovie-na-Donie.
«Kiraŭnik dziaržavy zasłuchaŭ dakłady načalnika Hienieralnaha štaba US RF Valeryja Hierasimava i šerahu vojenačalnikaŭ», — paviedamili ŭ Kramli.
ŚMI publikujuć videa Pucina za styrnom nibyta z Maryupala. Ruch transpartu, jak vynikaje ź videa, nie byŭ dla jaho pierakryty.
Pierad hetym prezident Rasii pryjechaŭ u akupavany Krym.