У Брэсце хочуць рабіць плітку з поліэтыленавых пакетаў
Брэсцкі завод перапрацоўкі смецця плануе стварыць на сваёй пляцоўцы вытворчасць палімерна-пясчанай пліткі, сыравінай для якой стануць поліэтыленавыя пакеты, каністры і бутэлькі. Прадпрыемства ўжо рыхтуе тэхніка-эканамічнае абгрунтаванне свайго інвестпраекта, піша «Вячэрні Брэст».
15.03.2023 / 23:01
Фота: brestcity.com
Палімерна-пясчаныя вырабы актыўна выкарыстоўваюць для абсталявання бардзюраў, тратуараў і калодзежаў. Плануецца, што ў Брэсце плітка будзе вырабляцца рознай афарбоўкі, каб зрабіць цікавым дызайн дваровых тэрыторый, аўтастаянак. Таксама такая плітка будзе выкарыстоўвацца для абліцоўвання лесвіц.