Ci pryviadzie źbićcio amierykanskaha bieśpiłotnika nad Čornym moram da pramoj vajny pamiž Rasijaj i ZŠA?
Učora ZŠA zajavili, što ich bieśpiłotnik MQ-9 Reaper sutyknuŭsia z rasijskim źniščalnikam Su-27 nad niejtralnaj častkaj Čornaha mora i zatym upaŭ u vadu. U amierykanskim Instytucie vyvučeńnia vajny (ISW) ličać, što heta nie vykliča eskałacyi ŭ adnosinach Štataŭ i Rasii.
15.03.2023 / 08:55
Ilustracyjny zdymak. Fota: U.S. Air Force / wikipedia.org
Analityki miarkujuć, što dla niebiaśpiečnaj eskałacyi niama pryčyn, bo prezident Džo Bajden nieadnarazova abiacaŭ paźbiahać uciahvańnia amierykanskich vojskaŭ u pramy kanflikt z Rasijaj, a Kreml u svaju čarhu demanstravaŭ niežadańnie ŭstupać u vajnu z NATA.
U spravazdačy pišuć, što rasijskija siły vykarystoŭvali prymusovuju sihnalizacyju suprać samalotaŭ i vajskova-marskich karabloŭ ZŠA i ich chaŭruśnikaŭ ciaham dziesiacihodździaŭ na niekalkich teatrach vajennych dziejańniaŭ, ale heta nie vyklikała kanfliktu.