Zatrymańnie pamočnika Miaśnikoviča źviazana sa spravaj ab dyviersii ŭ Mačuliščach — pravaabaroncy
Učora stała viadoma, što pamočnik Michaiła Miaśnikoviča Dźmitryj Šadko źnik u Maskvie, i jaho nie mohuć znajści try dni.
14.03.2023 / 10:04
Pavodle infarmacyi «Viasny», Dźmitryj byŭ, imavierna, zatrymany na pracy.
Jak śćviardžajuć krynicy, mužčyna doŭhi čas byŭ źviazany z ralevikami i čas ad času prymaŭ udzieł u ich mierapryjemstvach — jon asabista viedaŭ niekatorych ludziej, što byli zatrymanyja pa spravie dyviersii ŭ Mačuliščach.
Šadko zajmaŭ pasadu pamočnika Michaiła Miaśnikoviča, staršyni Kalehii Jeŭrazijskaj ekanamičnaj kamisii (orhan Jeŭrazijskaha ekanamičnaha sajuza, kudy ŭvachodziać Armienija, Biełaruś, Kyrhyzstan, Rasija, Kazachstan). Da traŭnia 2019 hodu jon byŭ namieśnikam Ministra suviazi i infarmatyzacyi Biełarusi.