Palitźniavolenuju Šarenda-Panasiuk za dva z pałovaj miesiacy čaćviorty raz upiakli ŭ ŠIZA
Palitźniavolenuju Palinu Šarenda-Panasiuk znoŭ źmiaścili ŭ ŠIZA ŭ žanočaj kałonii №24 «Zarečča». Tam žančyna sustrenie svoj dzień naradžeńnia, paviedamiŭ na svajoj staroncy ŭ fejsbuku jaje muž Andrej Šarenda.
13.03.2023 / 20:59
Palina Šarenda-Panasiuk
Pavodle Andreja Šarendy, Palina trojčy z kanca śniežnia minułaha hoda traplała ŭ ŠIZA: z 29 śniežnia 2022 hoda pa 8 studzienia 2023, z 13 studzienia pa 23 studzienia i 30 sodniaŭ zapar — z 28 studzienia pa 27 lutaha. Praz dva tydni paśla apošniaha pakarańnia žančynu znoŭ kinuli ŭ karcar.
Pra try adsiedki ŭ ŠIZA Palina napisała ŭ liście, jaki Andrej atrymaŭ u minułuju subotu, 11 sakavika.
«Pra svoj stan Palina koratka adpisałasia: «Trymajusia. Čakaju viasnu!», — raspavioŭ Andrej. — Kolki hetym razam ź jaje buduć ździekavacca fašysty, nieviadoma. Ale zrazumieła, što tam Palina sustrenie svoj dzień narodzinaŭ. Heta ŭžo treci dzień narodzinaŭ, jaki jana sustrakaje za kratami».
Palina Šarenda-Panasiuk — hramadskaja aktyvistka z Bresta. Jana była zatrymanaja 3 studzienia 2021 hoda, asudžanaja na try hady pazbaŭleńnia voli.