Pad Asipovičami staić niezvyčajnaja piramida ź jehipieckim kryžam naviersie. Dla čaho jana?
Piramida vyšynioj z dvuchpaviarchovy dom znachodzicca ŭ vioscy Troickaja Asipovickaha rajona, piša miascovaja rajonka «Asipovicki kraj». Jana prystasavanaja dla žylla pčołaŭ i lačeńnia ludziej.
11.03.2023 / 20:41
Hetaja piramida — faktyčna vialiki vulej. Jana moža ŭtrymlivać adrazu niekalki dziasiatkaŭ siemjaŭ pčoł.
Pa słovach stvaralnika piramidy Alaksandra Sakoviča, unutry piramida padzielenaja na dźvie častki: adna dla nasiakomych, a druhaja (vierchni pavierch) abstalavanaja dla znachodžańnia čałavieka.
A navošta tam znachodzicca čałavieku? Dziela lekavańnia. Viadoma, što blizkaść da pčoł stanoŭča ŭpłyvaje na zdaroŭje čałavieka.
I piramida — heta prystasavańnie dla miedycynskaha kirunku, viadomaha jak bijarezanansnaja apiterapija.
Nad piramidaj možna zaŭvažyć ankch — kryž staražytnaha Jehipta, jaki karanavany źvierchu z dapamohaj kalca. Jašče jaho nazyvajuć kopcki kryž, kluč žyćcia, kluč Niła, «bant žyćcia» i h. d. Dziela čaho mienavita hety simvał pastaŭleny nad zbudavańniem, u materyjale haziety «Asipovicki kraj» nie ŭdakładniajecca.