Siłaviki trasuć leciščy na stancyi Pałonka
Paśla zatrymańnia ŭ Baraŭlanskim sielsaviecie mahčymaha «ŭkrainskaha terarysta» Mikałaja Šviaca pravaabaroncy atrymlivajuć infarmacyju pra aktyŭnaść siłavikoŭ u inšych sadovych tavarystvach, u tym liku ŭ rehijonach, paviedamlaje «Viasna».
10.03.2023 / 17:48
Siońnia na čyhunačnaj stancyi Pałonka ŭ Baranavickim rajonie była zaŭvažana aktyŭnaść siłavikoŭ: na leciščy pryjazdžali ich uładalniki razam ź milicyjantami.
Paviedamlajecca, što asablivuju cikavaść u pravaachoŭnikaŭ vyklikajuć ludzi, jakija raniej zatrymlivalisia pa palityčnych matyvach, — ich pa nadumanych pryčynach prosiać pryjechać da svajho doma, kab tam pravieści pieratrus.
Čyhunačnaja stancyja Pałonka z pačatku vajny pastajanna zhadvajecca ŭ zvodkach, jakija tyčacca pieramiaščeńnia rasijskich vojskaŭ i techniki.