Syrski patłumačyŭ, čamu Ukraina nie zdaje Bachmut
Kamandujučy Suchaputnymi vojskami USU Alaksandr Syrski zajaviŭ, što aktualnaść utrymańnia abaroncami horada Bachmut Danieckaj vobłaści tolki raście.
09.03.2023 / 14:42
Fota: Suchaputnyja vojski USU
«Kožny dzień abarony horada dazvalaje nam vyjhrać čas dla padrychtoŭki reziervaŭ i padrychtavacca da budučych nastupalnych apieracyj. U toj ža čas u bajach za hetuju krepaść vorah hublaje najbolej padrychtavanuju i bajazdolnuju častku svajho vojska — šturmavyja atrady «Vahniera», — skazaŭ Syrski.
Jon źviarnuŭ uvahu na apošnija zajavy kiraŭnika PVK «Vahnier» Jaŭhiena Pryhožyna, jakija paćviardžajuć, što zachop horada raźviaža ruki akupantam dla dalejšaha nastupleńnia z prymianieńniem vajskovych i desantnych čaściej na bajavoj technicy.
«Heta jašče raz dakazvaje vielmi važnuju rolu Bachmuta ŭ ahulnaj sistemie abarony našaj hrupoŭki. Tysiačy vorahaŭ, jakija zahinuli pry šturmie horada, — tamu jarkaje paćviardžeńnie», — padkreśliŭ Syrski.
Jon dadaŭ, što kožny dzień ustojlivaha supraciŭleńnia daje abaroncam kaštoŭny čas dla źmianšeńnia nastupalnych mahutnaściaŭ rasijskich zachopnikaŭ.
Raniej prezident Ukrainy Uładzimir Zialenski zajaviŭ, što zachop Bachmuta adkryje dla Rasii šlach da inšych nasielenych punktaŭ Danieckaj vobłaści, tamu ŭkrainskija abaroncy praciahnuć abaraniać horad, adnak nichto nie pavinien być akružany.
Čytajcie taksama:
Syrski: My robim usio, kab praciŭnik u Bachmucie apynuŭsia ŭ cuhcvanhu
«Nieprystupnaja krepaść». Hienierał USU patłumačyŭ, čamu rasijanie nie mohuć zachapić Bachmut
«Luby, chto niedaaceńvaje rasijan, pryrečany na parazu»
Chto taki Alaksandr Syrski, kamandujučy ukrainskim nastupam pad Iziumam