Financial Times: Rasija nie navažvajecca kuplać rakiety ŭ Irana z-za bojazi, što sajuźniki Ukrainy ŭ adkaz pastaviać joj dalnabojnyja rakiety
Pavodle vydańnia, havorka moža iści pra rakiety ATACMS z radyusam dziejańnia da 300 km. Pry hetym krynicy vydańnia ličać, što ŭ chutkim časie Maskva moža źmianić svaju pazicyju z-za niedachopu ŭłasnych rakiet. «Rasijanie znachodziacca ŭ adčajnym stanoviščy. Im patrebnyja rakiety», — skazaŭ adzin z surazmoŭcaŭ FT.
06.03.2023 / 16:53
Fota: twitter.com/isna_farsi. Zdymak ilustracyjny
Pa źviestkach zachodnich raźviedsłužb, Iran nakiravaŭ u Rasiju sotni svaich bieśpiłotnikaŭ, jakija vykarystoŭvajucca dla napadaŭ na ŭkrainskich abjektach. Tehieran i Maskva heta admaŭlajuć.
Miarkujučy pa častacie kantaktaŭ pamiž Rasijaj i Iranam na roznych uzroŭniach, adnosiny dźviuch krain vychodziać za miežy vajennaha supracoŭnictva. Siońnia Uładzimir Pucin pahavaryŭ pa telefonie ź iranskim kaleham. Na minułym tydni Tehieran naviedaŭ kiraŭnik «Hazprama» Alaksiej Miler.
U najbližejšy čas u Iran adpravicca kiraŭnik CB Elvira Nabiulina, adznačaje vydańnie. Pa słovach krynicy, jana budzie abmiarkoŭvać intehracyju płaciežnych sistem Rasii i Irana.