Kubrakoŭ paabiacaŭ «apracavać» pa «PVK Rodan» kožnuju škołu
Kiraŭnik MUS Ivan Kubrakoŭ padčas siońniašniaj pres-kanfierencyi ŭ Nacyjanalnym pres-centry padzialiŭsia płanami i raspavioŭ, što milicyja źbirajecca rabić paśla tych schodaŭ padletkaŭ z «PVK Rodan», jakija adbyvalisia apošnimi dniami. Adkaz byŭ dastatkova prahnazavany.
02.03.2023 / 22:21
Pavodle zajavy Kubrakova, u płanach jaho padnačalenych — «apracavać» kožnuju biełaruskuju škołu.
«Sumiesna z pradstaŭnikami Ministerstva adukacyi my budziem pracavać pa kožnaj škole, davodzić infarmacyju», — pastaviŭ Kubrakoŭ ambicyjnuju metu.
Pryciahnuć da spravy i kłasnych kiraŭnikoŭ, jakija buduć abaviazanyja ŭpłyvać na baćkoŭ, kab tyja, u svaju čarhu, upłyvali na dziaciej.
Urešcie, jość namier pracavać na apiaredžańnie i «nie dapuścić raspaŭsiudžvańnia hetych zaklikaŭ na terytoryi Biełarusi».