Straty rasijskich vojskaŭ va Ukrainie pieravysili straty va ŭsich vojnach, u jakich Rasija ŭdzielničała paśla Druhoj suśvietnaj vajny
Za hod vajny va Ukrainie zahinuła 60—70 tysiač rasijskich vajskoŭcaŭ, vynikaje z dakłada amierykanskaha Centra stratehičnych i mižnarodnych daśledavańniaŭ (CSIS).
01.03.2023 / 16:46
Ahulnyja straty z paranienymi i źnikłymi bieź źviestak mohuć dasiahać 200—250 tysiač. U hetuju kolkaść uvachodziać i najmity hrupy «Vahnier», a taksama mabilizavanyja ŭ tak zvanych «ŁNR» i «DNR».
Tempy strat za dzień u 35 razoŭ vyšejšyja, čym na vajnie ŭ Afhanistanie, i ŭ 25 razoŭ vyšejšyja, čym straty padčas vojnaŭ u Čačni.
Ahulnaja kolkaść achviar usich papiarednich uzbrojenych kanfliktaŭ pačynajučy z 50-ch hadoŭ XX stahodździa, pavodle dakłada, — 50 tysiač čałaviek. Jon uklučaje abiedźvie čačenskija kampanii, vajnu na Danbasie, vojny ŭ Afhanistanie, Siryi, Anhole, Jehipcie, Vjetnamie i inšych krainach.