Pavietranuju prastoru nad Sankt-Pieciarburham časova zakryvali z-za «nieapaznanaha abjekta». Što heta było?
Ministerstva abarony RF pieradało ŭ słužbu aeraporta Pułkava infarmacyju pra toje, što za 160-200 kiłamietraŭ ad Pieciarburha zaŭvažany nieapaznany abjekt. Telehram-kanał «112» paviedamiŭ, što «abjekt padobny da vialikaha bieśpiłotnika».
28.02.2023 / 12:37
Pavietranuju prastoru ŭ radyusie 200 kiłamietraŭ vakoł Pułkava zakryli na ŭsich vyšyniach. U pavietra byli padniatyja źniščalniki, a ŭ Sankt-Pieciarburhu ŭviali płan «Dyvan», jaki abjaŭlajuć pry niezakonnym pierasiačeńni miažy, a taksama pry źjaŭleńni ŭ pavietranaj prastory nieapaznanych abjektaŭ.
«Aerafłot» admianiŭ rejsy z Sankt-Pieciarburha da 16:00 28 lutaha. Niekalki samalotaŭ, jakija vylecieli ŭ Sankt-Pieciarburh z Maskvy, viarnulisia nazad.
Nieba nad Sankt-Pieciarburham pačali adkryvać kala 11:50 pa maskoŭskim časie. Ci byŭ znojdzieny nieapaznany latajučy abjekt, nie paviedamlajecca.