Viasna idzie. Biełaruskija ptuški, na jakich ustalavanyja pieradatčyki, užo kirujucca z Afryki bližej da radzimy
Čatyry dni tamu samka-hibryd vialikaha i małoha arlacoŭ Lada, što hniazdujecca na Siaredniaj Prypiaci, pačała viasnovuju mihracyju, paviedamlaje telehram-kanał «Dzikaja pryroda pobač».
23.02.2023 / 22:23
Fota: Brett Lewis
Zimu Lada praviała ŭ Zambii, dzie łasavałasia palmavymi kryłanami, a ciapier, jak śviedčać prybory, pralataje Tanzaniju.
Lada i jašče adzin arlec Łan štohod pieršymi z paznačanych pieradatčykami arlacoŭ pačynajuć šlach dadomu, u Biełaruś. Ale lacieć im namnoha daŭžej za inšych.
Łan, jak vynikaje z pakazańniaŭ pryboraŭ, znachodzicca jašče niedzie na miažy Paŭdniova-Afrykanskaj Respubliki i Zimbabve.