На Валадарку перавялі жыхара Бабруйска, якога абвінавачваюць у «фінансаванні тэрарыстычнай дзейнасці»
Праваабаронцам стала вядома, што 10 лютага ў Мінску проста на вуліцы быў затрыманы 34-гадовы бабруйчанін Дзмітрый Слук.
22.02.2023 / 20:02
Пасля 10 сутак у ізалятары на Акрэсціна Дзмітрыя Слука перавялі ў СІЗА №1. Яму выставілі абвінавачванне па арт. 290-1 Крымінальнага кодэкса (фінансаванне тэрарыстычнай дзейнасці) за данаты арганізацыі, прызнанай у Беларусі «тэрарыстычнай».
Мужчыну пагражае ад 8 да 12 гадоў пазбаўлення волі.