U Biełarusi majuć namier pryciahnuć da adkaznaści ŭsich, chto suprać Łukašenki
U Biełarusi majuć namier pryciahnuć da adkaznaści ŭsich, chto maje dačynieńnie da «ekstremisckaj dziejnaści», zajaviŭ hienprakuror Andrej Švied.
22.02.2023 / 11:32
Fota: prokuraturabelarus / Telegram
Hienieralny prakuror Biełarusi Andrej Švied vystupiŭ na sumiesnym pasiadžeńni nižniaj i vierchniaj pałaty Nacyjanalnaha schodu. Jon paviedamiŭ, što kolkaść «ekstremisckich» złačynstvaŭ u 2022 hodzie źniziłasia i praciahvaje źmianšacca.
U toj ža čas hienieralny prakuror zajaviŭ, što ŭ Biełarusi majuć namier pryciahnuć da adkaznaści ŭsich, chto maje dačynieńnie da «ekstremisckaj dziejnaści».
Hety eŭfiemizm łukašenkaŭcy vykarystoŭvajuć dla tych, chto vystupaje suprać dyktatury Alaksandra Łukašenki. Z 2020 hoda lubuju krytyku ŭładaŭ, luby publičny pratest, a z 2022 hoda, paśla napadu Rasii na Ukrainu z terytoryi Biełarusi navat antyvajennyja vykazvańni represiŭnyja orhany interpretujuć jak «ekstremizm».
«Pravaachoŭnyja orhany nakiravanyja na zabieśpiačeńnie niaŭchilnaj adkaznaści arhanizataraŭ, kaardynataraŭ i ŭdzielnikaŭ ekstremisckaj dziejnaści», — skazaŭ Švied.
Z 2020 hoda ŭ Biełarusi adbyłosia kala 50 tysiač palityčna matyvavanych zatrymańniaŭ. Zaviedziena kala 12 tysiač palityčna matyvavanych kryminalnych spraŭ, pa jakich prachodziać dziasiatki tysiač ludziej. Vialikaja kolkaść ludziej vymušanaja była pakinuć krainu, ratujučysia ad represij.